الكذب الظلم وسوء الظن

سوء الظن وحسن الظن

من الاشياء الي اكرها في حياتي الظلم والظن

اكره احد يظلمني او يظن فيه

وعشان كده

مره ما احب اظن في احد عشان اخاف اظلمو

لكن المشكله

انو البعض يعتبر دا طيبه

وفعلاً احياناً يكون طيبه لمن ينضحك عليك وعليها

بس الفكره

كيف تعرف انو دا بيضحك عليك او بيلعب عليك

كيف تبدا تشك وطيف اصلاً تشك لو أنت تكره الشك والظن

كيف اذا تكره الناس تشك او تظن فيك وتظن في غيرك؟

دي بالنسبالي مشكله

امسيها طيبه او اسميها ترجيح حسن الظن المسمين صح لكن افضل الثاني لان الطيبه تعدل السذاجه احيانا

والشي التاني

اني اكره الكذب مووووووووت

وعشان كده ما اتخيل احد يكذب او استصعب دا الشي

لكن البياخه

لمن احد يمزح معاك وتصدق في الاخير يقلك

بمزح معاكي وي صدقتي

هيه ايش عرف اهلي بتمزح ولا بتتكلم جد

دي يمكن تقولو مني فهلويه بس بليز لا تقولو ساذجه وغبيه

بعدين على موضوع المزح ترى مره تهون

المصيبه

لمن يكون مزح على تقيل

وتاكل مقلب محترم

وواحد يضحك عليك في شغله

وتصدق نفسك

وتبدأ ترسم وتخطط وتحلم

وفي الاخير تاخد ديك العلقه الي هيه

على العموم ان شاء الله محد يضحك عليكم ولا علينا

ولايظلمني ولا يظلمكم

ولا احد يقلك عليك واحد