صراحه أحترت في العنوان
الفكره وما فيها عريس اولان لاين
دحين عندنا عارفين في السعوديه زمان مافي احتكاك بين الاولاد والبنات
ويمكن في معظم دول الخليج
بس مع الشات
والمنتديات
والفوروردات
والماسنجرات
والادات
ومواقع الزواج و و
بدأ الاختلاط
وفي نظام سعودي يبدأ بمحادثة ماسنجريه
ثم تبادل الارقام الهاتفيه
ثم مقابله تعارفيه ---->نصها القعده يسمعو بعض نغمات الجوال
ثم مقابله
ثم مقابله
ثم ثم
عاد يا يتخطبو ويتزوجو
ياالعلاقه تتفركش كالعاده
-------------------
المهم الفكره ومافيها انو ما بتكلم على العلاقه حقت العيال الي تتفركش
بتكلم على علاقة ناس ناضجين عدو من زمان سن العشرين يعني نقول 23
ناس في سن زواج أو مؤهلين للزواج
هل سمعت عن احد اتزوج عن طريق الانترنت؟
تعتقد انو ناجح ؟
ليش ايوه وليش لا؟
