النجــاح

طموح الأغلبيه

وان كنت طموح

فطموحك النجاح

وان كان نفسك تنجح

فأنت طموح

كل احلامنا واهدافنا تنتهي بمسمى واحد

ابغه انجح، عايز انجح، ودي انجح، بدي انجح بمختلف اللهجات كلنا نبغه ننجح
ننجح دنيا ببيت فخم وسياره فاره وعيال حلوين وزوجه احلى ووظيفه او عمل مرموق وسمعه في البلد وشهاده عاليه في اليد

وننجح في الاخره بدخول الجنه ان شاء الله
المهم نتكلم عن الاولى لان الثانيه من المفترض انو طريقها الكل عارفو
في حياتنا عشان ننوصل للنجاح
في الي يرسم طريق النجاح بنفسو ومن وجهة نظرو

وفي الي الواقع يجبروا ويرسملو طريق النجاح
في الي يختار دراسه يحبها ومهنة يحبها

وفي الي مايلاقي قدامو غير الكليه الفلانيه والشغله الفلانيه ومايصدق على الله
في الي يتولد وفي فمو ملعقة ذهب كل ما بغى شي لقاه والنجاح عندو تجربه تنتفي فيها روح المغامره قليلا يعني اذا خسر لديه ابواه
وفي الي يحط القرش على القرش ويصبر ويتعب وأمله بالله
في الي ينجح وفي الي يفشل وهي دي الحياه
المهم في كل الهرجه دي
أنو ايماني في حياتي أنو طريق النجاح سواء رسمتو بنفسي او رسمو ليه الواقع عشان اسير عليه

لازم اكون متمسكه بثلاثه اشياء اعتبراها العربه اعتبرها المركبه للمسير او اعتبر ان بدونها صعب ان اسير
اولها
القناعه وحسن الظن بالله
ثانيها
الامل والتفاؤل
وثالثها
المصداقيه والواقعيه
وان خابت احلامنا يوماً ولاحقة شمعات الامل نسمات الاحباط والفشل

وان لم يلامس واقع نجاحاتي مستوى توقعاتي

وان لم اجد في واقعي الكثير مما انشده في حياتي
فستبقى تلك الثلاثه اساس قناعاتي لاستمر في انجاز المزيد من نجاحاتي