ولد وبنت يعني زواج

في شي مره ينرفزني في تفكير بعض الناس

انو اي ولد وبنت قعدو دقيقتين يتكلمو مع بعض

يسير حيتزوجو

ماسمعوا يمكن عن اختراع اسمو اخوه او محاوره او مناقشه ما ابغه اسميها صداقه عشان لا تتفسرغلط

وتاخد منحى ديني اخر

لكن خلينا نتكلم بالامثله لتقريب الصوره

هنا في امريكا وبحكم الاختلاط والمبتعثين

اله ما تلاقي مبتعث سعودي

معاك في الصف

او ساكن معاك

وكلهم اعتبرهم اخواني

في المستشفى

الدكتوره اله ما تتكلم مع الدكتور

او تناقش معاه حاله مرضيه

سمي الاولى زملاء دراسه

والتانيه زملاء عمل

عشان نبعد عن كلمة صداقه

في علاقات راقيه

بعيده عن جو الاستخفاف في توزيع الاشاعات وكاننا بنلعب عروس وعروسه

حتى واحنا في البلد

لو لقيت وحده ساعدها واحد في خدمه

تلاقي الام اتخيلتو قيد زوج بنتها

لو اشتغل معاها في الشغل

واحد عدل

تقول خلاص يابنت ايش مستنيه دا عريسك

تقول العرسان خلصو؟؟

المهم

خلاصة القول

انو ياجماعه في علاقات راقيه

الناس الراقيه يمكن تعرفها

في علاقات تتبادل فيها المعرفه والاهتمامات العمل والدراسه

بدل مايتبادلو فيها صور اصحابي واصحابك

وصحباتي وصحباتك

وفين سهرتو امس وفين سبحتو اليوم

افضل ان ادرجها تحت مسمى الاخوه

عوضاً عن اي اسم اخر

لانو وقت الشده حيساعدك زي اختو

ووقت ماتحتاجي حيوقف جنبك زي اختو

ويغير عليكي زي اختو

لكن الناس الفاضيه الي ماوراها غير

فلان قاعد مع فلانه

سيبوهم يمكن يحبو في بعض

فلان خرج مع فلانه

اكيد مايبغو احد

دول ناس عقلهم تااااااااااااااااافه

ونصيحتي

خدوهم على قد عقلهم

لانهم اكيد ما قيد اتعرفوا على دا النوع من العلاقات الراقيه