كوول مصطلح صعب يتعرف معنو معروف
ممكن نقول كول يعني لزيز حلو واو يجي
لكن الكولنه بحد ذاتها
يا تكون شي يرفع الضغظ
ياتكون كووول
ترفع الضغط لمن الواحد يفكر نفسو كول وهوه مهو كول
الناس تتعدد شخصياتها واهتماماتها مابين السطحي والتافه ومابين المثقف والراقي
ولمن تتقابل شخصية تافه مع شخصيه راقيه
تبدأ الكولنه الي ترفع الضغظ تاخد مجراها
ولد يفكر انو لو مشي مع بنات
low class
واتصور معاهم ونشر الصور بين اصحابو
واو انو هوه مرررررره حريف ومره كووول
وانو لو اشترى كلب وراح
night club
يسير انو هوه شاب مره كول وبيعيش حياتو ومن حقو
وبنت تفكر انو لو لبست محزق وطلع جسمها واو يعني هيه بنت الاولاد يطيحو عندها وانها كووول
واكيد ماتتصاحب غير على الكولين الي زيها
دي صراحه بالنسبالي كولنه تفقع المراره
مو لاني اكره دا النوع من الكولنه بس
لاني اكره استخفافهم بالي ارقى منهم
يجيك الولد محترم وفحال نفسو ومؤدب ويعرف ربو
يسير دا مو كول ونعمل عليه بلوك واكس وقرفنا في عيشتنا
يجيك واحد مثقف اهتماماتو القراءه والنقاش مع الناس
يسير في نظرهم عالم فاضيه وبايخه ودمها تقيل
يمكن اختلاف الاهتمامات صنف الناس للكولين والغير كولين
لكن مو معنى ذلك
انو الناس المثقفه مهي كوليه
او انو الكوليين ثقافتهم ضحله
وان كانو مثقفين في الهيب هوب والسلسه والسامبا اكثر يمكن من ثقافتهم الدينيه
وفي الغالب يفلحو في قواعد الانجليزي اكثر من اللغه العربيه
وطبعا مايستخدمو غير اللماركات الاجنبيه
ليش اتجننو عشان يستخدمو صنع في السعوديه
وعاد يقهروني في تشبهم بكل شي حلو وحش
انا مرررره احب النيو لوك واحب التغير
لكن لدرجة اني اخد الحلو والوحش عشان بس اسير زيهم
فين شخصيتك
ولا اوه سوري يمكن بتحافظ بكده على شخصيتك الكول
في الدره كنت الاحظ الشباب يتمنظروا ب 3 اشياء
عكاز
وكلب
وجيتار>>>> طبعا مايعرفو يعزفو عليه الا ماندر
دحين خلاصة الهرجه دي كلها
انو الكولنه حلوه
بس لمن تكون انت كول بشخصيتك مو بالتقليد الاعمى
والاحلى انك لمن تتقبل كل الشخصيات الي حوليك وتحترمها
وترى كوووووووول مو معناتها الاستخفاف
والاستهزاء بالناس
ان شاء الله يكون الموضوع كول :P
واكيد انتو مره كول عشان قعدتو تقرو لين النهايه :D
No comments:
Post a Comment